Herritarrok asko dugu egiteko klimaren aldaketaren kontra. Energia kontsumitzen dugu, gauzak erosten ditugu, ibilgailuak erabiltzen ditugu… eguneroko bizimoduan CO2 isurtzen duten hainbat eta hainbat gauza egiten ditugu.
Konponbidearen oinarria horretaz jabetzea da, hau da, kontuan edukitzea nola bizi garen eta zer egin genezakeen geure jardunaren karbono-oinatza txikitzeko.
Stop CO2 Euskadi ekimen irekia da eta honek aukera ematen die euskal gizarteko kide guztiei berotegi-efektuko gasen isurketak gutxitzeko konpromisoa hartzeko. Enpresek, administrazio publikoek zein herritarrek har dezakete parte. Stop CO2 Euskadi ekimenak helburu hauek dauzka: gizartea klima aldaketaren arazoaz sentsibilizatzea eta heztea, eta sustatzen dituen ekimen guztietan parte hartzera bultzatzea.
Ondoren erakunde eta GKE batzuek CO2 isurketak gutxitzeko aholkuekin prestatu dituzten gida batzuen estekak jarri ditugu:
