Urdaibai Biosfera Erreserbako gainerako lurraldeetan gertatu den bezala, historian zehar gizakiak aldatu egin ditu artadi kantauriarrak, harik eta gaur egun eratzen duten espaziora iritsi arte. Artadi horien baliabide naturalak ustiatzeari esker, alde horretako biztanleek biziraupenerako baliabideak eskuratu ahal izan dituzte. Hala ere, gizakiak horrenbeste eragindako lurralde batean, jakina, Babes Bereziko Eremuetako kudeaketan ingururiro-arazo ugari azalduko dira.

Gizakiak Babes Eremuetan egindako eskuhartzeen arazoa ezin da bat-batean konpondu, eta, gainera, lehentasunezkoa da naturaren aldaketa dakarten erabilera eta egintzak identifikatzea (ingurumena zaintzeko); horrenbestez, ikerketa bat egin behar da, espazioen kudeaketarako jarraibide egokiak ezarri ahal izateko. Kudeaketa horretan, inguru biofisikoaren eta bertan burutzen diren jardueren deskripzio zehatza egin beharko da, kudeaketa mekanismo egokienak aukeratu eta, horrela, Babes Eremu horien erabilera eutsigarria lortu ahal izateko.