EAEko ingurumen adierazleen sistema honako adierazle-mota hauetan finkatzen da:

Oinarrizko adierazleak

Kausa-ereduaren arabera ezartzen dira, inguruneko egoera zein hainbat eragilek emandako erantzunak eta presioak, inpaktuak eta indar eragileak kontuan izanda. Adierazle horiek EAEko Ingurumenaren Egoerari buruzko txostena egiteko oinarri dira; izan ere,  Euskal Herriko Ingurumena Babesteko Lege Orokorrak xedatzen duenaren arabera, hiru urtetik behin egin behar da.

Goiburuko adierazleak

Oinarrizko adierazleetatik abiatuz, lehentasunez ezarritako ingurumeneko helburuen joera orokorrak ematen dituen adierazle-kopuru txikia hautatzen da. Gainera adierazle horiek ekonomiaren hazkundearen eta ingurumenaren artean dauden loturak modu erantsian erlaziona ditzakete. Goiburuko adierazleekin EAEko ingurumeneko garapenaren ikuspegi azkarra eskaintzen duen eta desorekak adierazten dituen urteko txostena  egiten da.

Iraunkortasunezko adierazleak

Euskal gizartearen ibileraren erretratu osoa eskaintzen dute, hots, ekonomia-, gizarte- eta ingurumen-alderdietatik begiratuta. Europako egiturako adierazleak  kontuan hartuta ezartzen dira.