JASANGARRITASUNERANTZ BIDERATUTAKO ESKOLAKO GIDA DIDAKTIKOA aurkeztuko diegu hemen hezkuntza-komunitateko agente guztiei,  Eskolako Agenda 21a aplikatzean eman behar diren urrats guztiak adieraziz, bai eta Ingurumen eta Lurralde Antolamendu Sailak, Hezkuntza, Unibertsitate eta Ikerketa Sailarekin batera beren eskuetan jartzen dituen baliabide didaktiko guztiak ere azalduz.

Jasangarritasuna lortzeko bidean hezkuntza-komunitateak, gida hau diseinatu duten aipatutako sail horien laguntzaz gain, Ingurugela-CEIDA (Ingurumenarekiko Irakasbideen Hezkuntza eta Ikerketarako Ikastegien -IIHII)  laguntza ere izango du, izan ere hauek urte askotan zehar jasotako esperientzia egiaztatua baitute ingurumen-hezkuntzaren arloan. Azkenik, Eskolako Agenda 21en aplikazioa udalen funtsezko helburuetako bat da Tokiko Agenda 21en osagai gisa. Horregatik, Eskolako Agenda 21a aplikatzea erabakitzen duten ikastetxeek beren udalen laguntza izango dute zalantzarik gabe.