ARIKETAREN GARAPENA

Ba al dakizue gizakiok egiten dugun petrolioaren erabilera geroz eta handiagoa dela? Petrolioa, ordea, agortzen ari da. Adituen esanetan, dagoeneko agortu dugu munduko petrolioaren erdia. Zer gertatuko litzateke egunen batean petrolioa agortuko balitz?

1.- Irudiaren gogoeta

1.1.- Taldeka jarri eta aldameneko irudiei begiratu.

1.2.- Aurreko irudi horiek kontuan izanda, eguneroko bizimoduan, petrolioa tarteko egin ditzakezuen ekintzen eta erabiltzen dituzuen materialen zerrenda bat egin.

	Jarduerak	Materialak
Etxean
Eskolan
Lagunekin
Aisialdian

2.- Zer gertatuko litzateke
Ohartu zareten bezala, petrolioa hil ala bizikoa da gure eguneroko bizimoduan. Baina jakina denez, agortzeko arriskua du. Gero eta gehiago gastatzen edo kontsumitzen dugu gainera.

2.1.- Eta zer gertatuko da egunen batean petrolioa agortzen bada?

Kasua	Arazoa	Irtenbidea
Goizeko dutxa beroa
Autobusez eskolara
Hotz egiten duenean berotzeko
Gurasoei lagundu erosketak egiten plastikozko poltsekin
Otorduak prestatzen

2.2.- Aurreko ataleko 2. galderan zuek emandako adibideei ere bilatu irtenbidea.

3.- Ondorioak
Ariketan zehar ikusi duzuen bezala, petrolioaren erabilerak gora egiten badu, eguneroko bizimoduak ohikoenak iruditzen zaizkigun zenbait jarduera egin ezinik geratuko gara.

3.1.- Baina petrolioarekin gertatzen den bezala berriztagarriak ez diren beste zenbait energia iturrirekin ere gauza bera gertatzen da. Eztabaidatu energia bide ezberdinak guztion artean (egurra, ura, gasa...)
3.2.- Energia bide horiek naturak ematen ditu. Baina gizakiak nola erabili behar ditu?
3.3.- Zer gerta daiteke ez badugu zentzuz jokatzen?
3.4.- Pertsona guztiok aukera bera dugu baliabide horiek erabiltzeko?