HEZEGUNEA

Ramsar Hitzarmenak irizpide zabala darabil bere eskumenean nolako hezeguneak barne hartzen dituen zehazteko. Honela definitzen dira hezeguneak: "Erregimen natural zein artifizialeko, aldi baterako edo izaera iraunkorreko, ur geldi edo korronteko, ur geza edo gaziko padura, urmaela, zingira, aintzira eta zohikaztegiak, baita itsas urek osatzen dituzten azalerak ere, itsasbeheran sei metro baino sakonera handiagoa ez badute."

Horrez gainera, honela zehazten dira baldintzak: "Hezegunekotzat hartu ahal izango dira bertako ur ertzak eta kostaldeak, baita uharteak eta itsas urek osatzen dituzten azalerak ere, itsasbeheran sei metro baino sakonera handiagoa badute, hezegune baten barruan direnean".

Xedapen horien emaitza gisa, Hitzarmenaren izariak habitat mota asko biltzen ditu bere baitan, are ibai eta lakuak, kostaldeko aintzira txikiak, mangladiak, zohikaztegiak eta koralezko arrezifeak ere. Hezegune artifizialak ere jasotzen ditu, hala nola arrain haztegiak, nekazaritza lur ureztatuak, gatzagak, urtegiak eta abar.