 Partaidetza-prozesu zabala du ardatz nagusietako bat 2007-2010 Ekintza-Programaren prestakuntza-prozesuak. Euskal gizartearen ahots guztiek behar dute lekua prozesu horretan.
Hainbat lan-talde eratu dira partaidetza-prozesu horretarako, eta bakoitzak bere dinamika du. Hona hemen sortu diren lan-taldeak:
Gosariak sailburuarekin
Parte-hartzaileak: Ingurumen eta Lurralde Antolamendu sailburua eta euskal gizarteko zenbait jende ezagun, guztiak ere garrantzi handikoak EAEko ekonomian eta gizartean.
Eginkizuna: Sailaren asmoak, lehentasunak eta ekimenak azaltzeko goi-foroa izatea, baita gizartearen kezkak, usteak, lehentasunak eta gomendioak jasotzekoa ere.
Partaidetza-eskema: hiru lan-gosari, bat lurralde historiko bakoitzeko.
Aholku Batzordea
Parte-hartzaileak: Ingurumenaren eta garapen iraunkorraren alorreko prestigio handiko jendea.
Eginkizuna: Gai estrategikoen gainean Zuzendaritzari aholku ematea, diagnostikoa egin eta helburu- nahiz konpromiso-lehentasunak finkatzeko. Prozesuan zehar egiten diren aurrerapenak eta lorpenak alderatzeko erakundea behar du izan.
Partaidetza-eskema: hastapen-elkarrizketa, eta osoko bilkurak.
Gizarte Foroa
Parte-hartzaileak: talde ekologista, sindikatu, kontsumitzaileen elkarte, gazte-erakunde, unibertsitate, komunikabide eta abarretako ordezkariak.
Eginkizuna: EAEko ingurumen-egoera aztertzea, hari buruz eztabaidatzea eta helburuak eta ekimenak proposatzea herritarren artean ingurumen-iraunkortasuna sustatzeko.
Partaidetza-eskema: hainbatean behingo osoko bilkurak.
Enpresaburuen Foroa
Parte-hartzaileak: enpresaburuen konfederazioetako, enpresa handietako, ikerkuntza-zentroetako, elkargo profesionaletako eta enpresaburu-elkarteetako ordezkariak.
Eginkizuna: EAEko ingurumen-egoeraz eztabaidatzea eta helburuak eta ekimenak proposatzea enpresa-alorrean ingurumen-iraunkortasuna sustatzeko.
Partaidetza-eskema: hainbatean behingo osoko bilkurak.
Sailen arteko Batzorde Teknikoa
Parte-hartzaileak: Eusko Jaurlaritzako sailburuordetzetako ordezkariak.
Eginkizuna: Eusko Jaurlaritzako sailen jarduera eta ekimenetan zeharka txertatzea ingurumena.
Partaidetza-eskema: hainbatean behingo osoko bilkurak.
Erakunde arteko Batzorde Teknikoa
Parte-hartzaileak: lurralde historikoetako foru aldundietako ordezkariak.
Eginkizuna: Foru Aldundien jarduera eta ekimenetan zeharka txertatzea ingurumena.
Partaidetza-eskema: hainbatean behingo osoko bilkurak.
Udalerrien partaidetza, berriz, Udalsarearen bidez egingo da.
Ingurumen eta Lurralde Antolamendu Saileko Batzorde Teknikoa
Parte-hartzaileak: Ingurumen eta Lurralde Antolamendu Saileko zerbitzuburuak, IHOBEko arduradunak.
Eginkizuna: EAEko ingurumenaren egoerari buruz eztabaidatzea; helburuak eta ekimenak aztertzea eta proposatzea, betiere ikuspegi praktikotik, Sailaren politikak eta baliabideak hedatzeko.
Partaidetza-eskema: hainbatean behingo osoko bilkurak.
ZEUK ERE HAR DEZAKEZU PARTE 2007-2010 IP-REN PRESTAKUNTZAN.
Ekarpen, iruzkin edo iradokizunen bat bidali nahi badiguzu, jar zaitez harremanetan IPren Idazkaritza Teknikoarekin, helbide elektroniko honen bidez: pma@ihobe.net
|
