Grafikoan ikus daitekeenez, plastikozko hondakinak aurkitu dira hainbat eta hainbat unitatetan, eta mota askotakoak gainera. Plastiko kantitate handia dago itsasoan (poltsak, enbalatzeko materiala, eraikuntzako estaldurak, ontziak, zintak, arrantza-tresnak eta abar). Ingurumenean eragiten duten arazoa larria da; izan ere, material horiek oso nekez degradatzen dituzte bakterioek edo agente fisikoek.

Itsas espezie asko plastikoen biktima izaten dira, izan ere bertan behera utzitako arrantza-sareen zatien artean trabaturik geratzen dira, edota beren ohiko harrapakinak direlakoan, plastiko eta enbalaje-hondakinen pusketak irensten dituzte, eta digestio-hodia itxi egiten zaie.