Zer da?

Ingurugiroari buruzko argibideak emateko eta naturaren aldeko sentiberatasuna sortzeko ekipamendua da.

Non dago kokaturik?

Bizkaiko Meatzaldearen erdi-erdian dago eta, beraz, behatoki paregabea da era askotako paisaiak ikusteko. Gizakiak ingurunea zenbateraino aldatu duen aztertzeko leku aproposa da.

Zein da bere helburua?

Zentroan antolatutako ekintzei esker honako helburu hauek eskaini nahi dizkiegu bisitariei:

• Meatze ustiapenak ingurugiroarekiko izan duen eragina eta erlazio honek dakartzan ondorioak.
• Ingurunearen elementurik nagusienak zeintzuk diren eta horiek babesteko eta hobetzeko jarrerak.
• Ingurugiroaren eta horren arazoen gaineko sentiberatasun eta kontzientzia handiagoa.
• Ingurugiroaren arazoak zertan diren eta nola konpon daitezkeen jakiteko beharrezko diren jarrerak.

Norentzat da?

Interpretazioko Zentroa herritarrei eskaintzen zaie oro har eta bereziki talde antolatuei:

• Ikasle taldeak
  Batez ere Bigarren Hezkuntzako eta Batxilergoko ikasleentzat. Izena aurretik emanez gero, ikasturtean zehar bisitaldi gidatuak egiten dira egun oso baterako.
  
• Beste talde antolatu batzuk
  Ikasle taldeekin bezalaxe jokatzen da. Bisitaldia aurretik hitzartu behar da.
  
• Herritarrak oro har
  Urte osoan zehar, edonorentzat egongo da zabalik Zentroa.
  
• Inguruko herritarrak
  Urtean zehar beste jarduera batzuk ere egiten dira: zuhaitzaren eguna, ingurugiroaren eguna… Meatzaldetik hurbil dauden udalerrientzat.
  

Baliabideak

• Langile espezializatuak
  Ibilbide gidatuak egiteko eta publikoaren premiei erantzuteko.
  
• Erakusketak
  Burdina ingurune baliabide bezala, Bizkaiko meatze arroaren historia, biztanle guneak, geomorfologia, flora eta fauna, ingurugiro interpretazioa.
  
  
  
• Jolastokia eta terraza panoramikoa
• Kanpoko museoa
  Antzinako meatze ustiapenen berriztatutako elementuak.
  
  
  
• Landaretza autoktonoaren berreskuratzea
• Dokumentazio zentroa
  
  
  
• Ikastetxeentzako material didaktikoak
  Ikasleentzako lan koadernoa eta irakasleentzako gidaliburua.
  
  
  
• Argitalpenak
  Foiletoak, ingurugiro interpretaziorako koadernoa, mapa, ibilbide autogidatuen karpeta eta liburua.
  
  
  
• Ikus-entzunezkoak
• Zerbitzu gunea eta kafetegia
  Produktu ekologikoen salmenta eta bertako artisautza.
  
  
  

Beste datu batzuk

Ordutegiak

Interpretazioko Zentroa:

- Astelehenetik igandera arte, 10:00etatik 14:00etara eta 16:00etatik 18:00etara.

Zerbitzu Gunea eta Kafetegia:
- 10:00etatik 20:00etara.

Helbidea, telefonoa, posta elektronikoa

"Peñas Negras" Ingurugiro Interpretazioko Zentroa
La Arboleda - Muskiz Basobidea 1,6 km
48530 - Ortuella (BIZKAIA)
Telefonoa: 94 633 80 97
Faxa: 94 474 58 75 (kudeaketako enpresa)
Posta elektronikoa: peñasnegras@ej-gv.es