Kontsumorako urak, erabili ondoren, hondakin-ur bihurtzen dira. Poluitutako ur horiek ingurunera isuri aurretik arazketa-tratamendu bat egin behar zaie.

1991ko maiatzaren 21eko 91/271 arteztarauak, hiriko hondakin-uren tratamenduari buruzkoak, honako epeak ezartzen ditu hondakin-uren arazketa burutzeko

• 15.000 biztanle baino gehiago dituzten aglomerazioek, beranduenez ere 2000ko abenduaren 31n.
• 10.000 eta 15.000 biztanle arteko aglomerazioek, beranduenez ere 2005eko abenduaren 31n.
• 2.000 eta 10.000 biztanle artean dituzten eta hondakin-urak ur geza eta estuarioetara isurtzen dituzten aglomerazioek, beranduenez ere 2005eko abenduaren 31n.

Udalak eta udalen elkarteak edo partzuergoak helburu horiei erantzuteko diseinaturiko saneamendu-planak aurrera eramaten ari dira, foru aldundien, Eusko Jaurlaritzaren eta Ingurugiro Ministerioaren laguntza ekonomikoarekin lehentasuna duten inguruetan.