Izen osoa

EUSKAL AUTONOMIA ERKIDEGOKO UR MASEN EGOERA

Gaia deskribatzeko adierazleak duen garrantziaren justifikazioa

Uraren Esparru Zuzentaraua onartu zenez geroztik, uraren kalitate fisiko-kimikoaren kontzeptu tradizionala ordezkatu egin da. Lur gaineko ur-masen egoera ekologikoaren kontzeptu integral eta integratzaileak ordezkatu du aurreko kontzeptu hori. Izatez, lur gaineko ur-masen egoera ekologikoaren kontzeptu horrek adierazle biologikoen, hidromorfologikoen, kimikoen eta fisikokimikoen baterako ebaluazioa barne hartzen du. Uraren Esparru Zuzentarauak, halaber, lurpeko urak ebaluatzeko berariazko irizpideak barne hartzen ditu.

Aplikatzeko esparru geografikoa

Euskal Autonomia Erkidegoa.

Deskribapena

Euskal Autonomia Erkidegoko lur gaineko eta lurpeko ur-masen egoera.

Kalkulatzeko metodologia

Lur gaineko ur-masen egoera ekologikoa zehazteko metodologia garatzen ari da. Euskal Autonomia Erkidegorako Uraren Esparru Arteztarauaren baldintzen interpretazioa ia ebatzita dago ikuspuntu metodologikotik. Haatik, Europar Batasuneko Estatuen arteko kalibrazioa lortzeko lan handia egin behar da oraindik, eta horretarako muga 2006. urtean dago.

Ingurumen eta Lurralde Antolamendu Sailaren erreferentziazko dokumentuan deskribatzen da gaur egunera arte (2004) egindako lanen oinarri metodologikoa. Dokumentu horrek Euskal Autonomia Erkidegoko lur gaineko ur-masen zaintza-sarea du izena. 1. liburukia. 2002an eta 2003an erabilitako metodologiak.

Neurri-unitatea

Adierazpen kualitatiboa.

Emaitzak aurkezteko modua

Garatzen ari da.

Erlazionatutako Garapen Iraunkorraren EAEko Ingurumen Estrategiako helburuak

Gai arriskutsuen eta poluitzaileen isurketak murriztea.

Lur gaineko edo lurpeko ur degradatuak araztea edo garbitzea.

Erreferentziazko balioa

Uraren Esparru Zuzentarauan ezarritako helburuen arabera, ur-masa guztiek kalitate ekologiko ona edo oso ona eduki beharko dute 2015. urterako.

Garapen Iraunkorraren Euskal Autonomia Erkidegoko Ingurumen Estrategiaren konpromisoen arabera, lur gaineko ur-masen % 80k egoera ekologiko eta kimiko ona edo oso ona izan dezan lortu beharko da 2012. urterako.

Datuen iturria

Uren Zuzendaritza.

Datuen kalitatea

Handia.

Zehaztapen-maiztasuna

Urtekoa.

Zehazten hasi zen urtea

Euskal Autonomia Erkidegoko ur-masen kalitate ekologikoa zehazteko lehen ahalegina 2002. urtean egin zen.

Jarraipenaren arduraduna

Uren Zuzendaritza.

Oharrak

Egoera ekologikoa zehazteko metodologia finkatzen den artean (gehienez 2006. urtea), 1. goiburuko adierazlea hartuko da uraren egoeraren adierazletzat. Jarraian, goiburuko adierazle horren fitxa metodologikoa gaineratu da.