Uraren Esparru Zuzentarauari jarraiki, herritarren parte-hartzea funtsezko alderdia da Zuzentarauan jasota dauden helburuak lortze aldera; eta, hortaz, bada, dei egiten die eskumena duten administrazioei, uraren arloan parte-hartze eraginkorra susta dezaten.

Era berean, Zuzentarauak maila batzuk bereizten ditu parte-hartzeari dagokionez; hain zuzen, honako hauek:

• Informazioa ematea.
• Jendaurreko kontsulta egitea.
• Parte-hartze eraginkorra.

Euskal Autonomia Erkidegoak, Uraren Esparru Zuzentaraua ezartzeko prozesuan murgilduta dagoela, bere prozesu parte-hartzailea jarri du abian web orri honen bidez.

Kontsulta egiteko eta parte hartzeko bi modu hauek ezarri dira:

• Galdetegi bat: bertan, urarekin zerikusia duten hainbat alderdiz parte-hartzaileek dituzten iritziak bildu dira.
  
  
• Eztabaida-gune birtual bat: bertan, eztabaidak egingo dira, ur-kudeaketaren arloko gai garrantzitsuenei buruz.

Sar zaitez eta parte hartu!