Parametro kualitatibo eta fisiko-kimiko batzuek ibaien egoera ebaluatzeko balio dute.

Oro har, EAEko ibaietan ez da balio negatibo asko ikusi alderdi kualitatiboei dagokienez.

ALDERDIA       Isurialde mediterraneoa    Kantauriko isurialdea

Usain txarra                      % 15,56                           % 13,24

Arrain hilak                          % 2,94

Aparrak                             % 13,33                           % 13,24

Olioak                                                                          % 9,8

Eutrofizazioa                        % 4,44                             % 4,41

Aztertutako puntu guztien gaineko ehunekoa

Orokorrean, ibaietan egindako azterketa fisiko-kimikoek balio positiboak eman dituzte; ibai askotan, ordea, nitrito kopuru ez egokiak daudela ikusi da. Hori kontuan hartu behar da, zeren nitritoak oso toxikoak izaten baitira, nahiz eta kopuru oso txikian agertu (0,5 mg/l-tik gora).

PARAMETROA       Isurialde mediterraneoa    Kantauriko isurialdea

pH-a                                          7,5                                        7,2

Nitratoak                                   13,78 mg/l                             12,12 mg/l

Nitritoak                                     0,28 mg/l                               0,5 mg/l

Oxigenoa                                   9,62 mg/l                               9,6 mg/l

Tenperatura                               11,37 ºC                                15,47 ºC

Batez besteko balioak

Uraren kalitatea ibaietako zenbait ornogabe bentonikoren bitartez ere neur daiteke. Ornogabe horiek adierazle biologiko gisa erabiltzen dira.

Isurialde mediterraneoari dagokionez, aztertutako ibai gehienek kalitate oso ona dute, eta Kantauriko isurialdeari dagokionez, aldiz, ona dute.