Bailarari ematen zaizkion erabilerek bailararen egoera balioesten lagunduko digute. Talde gehienek nekazaritza-jarduerak gauzatzen dituzten eremuak topatu dituzte, batez ere isurialde mediterraneoan. Jarduera horiek direla medio, ongarriak eta ureztatze-sistemak erabili behar dira eta horrek ibaiertza basogabetzea eragin dezake. Kantauriko isurialdean, berriz, talde askok aurreko jarduerez gain industria-arloko, hiri-arloko edo aisialdi-arloko jarduerak gauzatzen diren guneak topatu dituzte. Jarduera horien artetik, industria-jarduera da arriskutsuena, jarduera hori gauzatzeko erabiltzen diren produktu kimikoengatik.

Bestalde, eta aurrekoa indargabetzeko, garrantzizkoa da adieraztea talde askok bisitatu dituztela egoera naturalean dauden ibaiak.