Ibai batean hiru zati bereiz ditzakegu. Goiko zatia iturburua da; ingurua menditsua eta itxia izaten da, eta ura bizkor jaisten da. Ibaiaren erdiko zatian ingurua lauagoa izaten da, eta ura mantsoago jaisten da. Azkenik, bokalea egoten da ibaiaren beheko zatian; zati laua izaten da eta ibaiak bere ibilbidean pilatutako materialak biltzen dira bertan. Hiru zati horiek haranaren eta ibilguko hondoaren araberakoak izaten dira.
Hurrengoan ikus daitekeenez, aztertutako tarte gehienak erdikoak dira, eta ondoren, behekoak. Goiko tarteak dira gutxien aztertu direnak; izan ere, zailagoa izaten da horietara heltzea eta bizilekuetatik urrun egoten dira.

IBAIAREN IBILGUA 

                           Mediterranear isurialdea    Kantauriar isurialdea
Goi ibilgua                        13                                   8,4
Erdiko ibilgua                    53,7                                64,5
Behe ibilgua                      27,8                                25,7
Adierazi gabe                    5,5                                  1,4

Adierazi diren laginketa guneen portzentaia