Laginketaren aurreko egunetan egindako euriteek eragin handia dute ibai eta erreken emarian, beraz, baita gure ikerketan jasotako bestelako parametro fisiko-kimikoetan ere; korrontearen abiaduran, oxigeno kontzentrazioan, gardentasunean eta kutsatzaileen kontzentrazioan, besteak beste. Horregatik da garrantzitsua datu hori biltzea.

Isurialde kantauriarrean aztertutako inguruen %27,03k prezipitazio handiak izan zituzten aurreko egunetan, eta isurialde mediterranearrean, berriz, %31,48ak.