Likido bat lurrun bihurtzea; pixkanaka gertatu ohi da, likidoaren gainazalean soilik eta irakite-puntuaz beheko tenperaturan.

Lurrunketaren arrazoia materiaren teoria zinetiko molekularrak azaltzen du. Likidoa osatzen duten molekulek, daukaten energia zinetikoagatik likido horretatik ihes egiteko joera dute, nahiz eta likidoaren beste molekula batzuk eragiten dieten erakarpenetik ihes egiteko behar besteko indarra dutenek soilik lortzen duten likido hori uztea. Molekula horiek galtzean, sustantziak energia askatzen du, hau da, hoztu egiten da, eta tenperatura mantendu ahal izateko eta lurruntzen jarraitzeko beroa behar da.